Штефан Эффенберг Альфонсо Дэвиснинг "Бавария"даги ҳолати ҳақида гапирди.
"Агар Альфонсо Дэвис "Реал" ҳақида ўйлаётган бўлса, ундан воз кечиш керак: у энди "Бавария"да бутун қалби, жони ва керакли иштиёқи билан эмас.
Футболчининг ўзи ўрнак кўрсатиши ва айтиши керак: "Мен шу ерда қолиб, ким мураббий этиб тайинланишини билишни ва "Бавария" учун ҳамма нарсани қилишни хоҳлардим". Бу масала нафақат клубга тегишли. Лекин мен футболчилар билан очиқ гаплашардим. Агар улар олиб қолишга тайёр бўлмасалар, мен уларни сотувга қўйган бўлардим. Молиявий нуқтаи назардан, "Бавария" келаси йил ўйинчиларини сотмасликка қурби етмайди", - деди мюнхенликларнинг собиқ футболчиси.
Дэвиснинг Мюнхен клуби билан шартномаси 2025 йилнинг ёзида якунига етади.
Бир қатор ОАВ хабарларига кўра, ўтган ҳафта футболчининг агенти ва "Бавария" спорт директори 23 ёшли ҳимоячининг келажаги ҳақида музокара олиб боришган. Der Spiegel нашри хабарига кўра, Дэвис аллақачон "Реал" билан трансфер ва эҳтимолий маош борасида келишиб олган.
