Turinning "Yuventus" klubi yarim himoyachisi Adriyen Rabyo yozda faoliyatini Ispaniyada davom ettirishi mumkin. Bu haqda jurnalist Adrian Sanches Twitter da xabar berdi.

Manbaga ko‘ra, 28 yoshli fransiyalik futbolchining vakillari uning xizmatlarini "Barselona"ga taklif qilgan. Kataloniya klubi hozircha bu taklifga javob qaytarmagan.

Rabioning "keksa sinyora" bilan shartnomasi kelayotgan yozda yakunlanadi. Transfermarkt uni 40 million yevroga baholamoqda.

Joriy mavsumda u 23 ta o‘yinda 4 ta gol urib, 3 ta assist berdi.