Туриннинг "Ювентус" клуби ярим ҳимоячиси Адриен Рабьо ёзда фаолиятини Испанияда давом эттириши мумкин. Бу ҳақда журналист Адриан Санчес Twitter да хабар берди.
Манбага кўра, 28 ёшли франциялик футболчининг вакиллари унинг хизматларини "Барселона"га таклиф қилган. Каталония клуби ҳозирча бу таклифга жавоб қайтармаган.
Рабионинг "кекса синьора" билан шартномаси келаётган ёзда якунланади. Transfermarkt уни 40 миллион еврога баҳоламоқда.
Жорий мавсумда у 23 та ўйинда 4 та гол уриб, 3 та ассист берди.