"Real"ning sobiq futbolchisi Luish Figu "Galaktikos" va Ispaniya jamoasining hozirgi tarkibini yozda jamoaga qo‘shilishi mumkin bo‘lgan Kilian Mbappe bilan solishtirdi.
"Galaktikos va hozirgi "Real" o‘rtasidagi o‘yinda kim g‘alaba qozonadi? Bilmayman, menda billur shar yo‘q. Avlodlarni taqqoslab bo‘lmaydi, bu ko‘plab omillarga bog‘liq. Futbolchilar boshqacha, futbol esa 10 yil oldingidek emas.
Ikkala jamoa ham juda sifatli, ammo bu savolga javob berish qiyin. Sportda ko‘pincha ikkita plyus ikkita to‘rtga teng kelmaydi", - deb Figu so‘zlarini keltirmoqda O Jogo.
Ayni damda Ispaniya Primerasining 26-turidan keyin “Real” 65 ochko bilan turnir jadvalida peshqadamlik qilmoqda.
