Mavsum oldidan futbol klublariga "halol o‘yin” va yangilangan futbol qoidalarini tushuntirish borasida o‘tkazilib kelinayotgan seminarlar davom ettirildi. Bugun, 27 fevral kuni yangi mavsumga tayyorgarlik ko‘rayotgan "Olimpik" jamoasi uchun ham mana shunday seminar tashkil etildi. Unda jamoa futbolchilari va murabbiylar shtabi ishtirok etdi.

Seminarlarni tajribali hakamlar nazoratchisi Jahongir Saidov olib bordi. U o‘z tajribasidan kelib chiqib, seminar qatnashchilariga ma’ruza qildi. O‘z navbatida futbolchilar ham o‘zlarini qiziqtirgan savollar bilan soha mutaxassisiga savollar yoʻllab, qoniqarli javob olishga erishdi.

Bunga qadar "Mash’al", "Buxoro", "Xorazm", "Navbahor", "Surxon", "Qo‘qon-1912", "Andijon", "Metallurg" hamda "Qizilqum" klublariga ham shunday seminarlar tashkil etib berilgan edi.