Мавсум олдидан футбол клубларига "ҳалол ўйин” ва янгиланган футбол қоидаларини тушунтириш борасида ўтказилиб келинаётган семинарлар давом эттирилди. Бугун, 27 февраль куни янги мавсумга тайёргарлик кўраётган "Олимпик" жамоаси учун ҳам мана шундай семинар ташкил этилди. Унда жамоа футболчилари ва мураббийлар штаби иштирок этди.

Семинарларни тажрибали ҳакамлар назоратчиси Жаҳонгир Саидов олиб борди. У ўз тажрибасидан келиб чиқиб, семинар қатнашчиларига маъруза қилди. Ўз навбатида футболчилар ҳам ўзларини қизиқтирган саволлар билан соҳа мутахассисига саволлар ёʻллаб, қониқарли жавоб олишга эришди.

Бунга қадар "Машъал", "Бухоро", "Хоразм", "Навбаҳор", "Сурхон", "Қўқон-1912", "Андижон", "Металлург" ҳамда "Қизилқум" клубларига ҳам шундай семинарлар ташкил этиб берилган эди.