"Manchester Yunayted" bosh murabbiyi Erik ten Xag angliyalik sobiq futbolchi Jeymi Karragerga javob qaytardi.

“Ba’zi tahlilchilar juda ob’ektiv, ba’zilari esa juda sub’ektiv. Jeymi Karrager boshidanoq tanqidiy fikrda edi va endi o‘z fikrini bildirmoqchi. Ehtimol, u dastlabki 30 daqiqada haq edi. “Fulxem”ning yarim himoya chizig‘i bizni hayratda qoldirdi va biz yechim izlashimiz kerak edi. Yarim soatdan keyin biz ularni topdik. Himoyadagi, ayniqsa chap qanotdagi o‘yindan mamnun emasdim. "Fulxem" bu qanotdan bir necha bor o‘tdi. Oldingi uchrashuvlarda shu tarkib bilan g‘alaba qozonganmiz. Futbolchilar robot emas, ba’zida ular yomon o‘ynashadi", dedi Ten Xag matbuot anjumanida.