"Манчестер Юнайтед" бош мураббийи Эрик тен Хаг англиялик собиқ футболчи Жейми Каррагерга жавоб қайтарди.

“Баъзи таҳлилчилар жуда объектив, баъзилари эса жуда субъектив. Жейми Каррагер бошиданоқ танқидий фикрда эди ва энди ўз фикрини билдирмоқчи. Эҳтимол, у дастлабки 30 дақиқада ҳақ эди. “Фулхэм”нинг ярим ҳимоя чизиғи бизни ҳайратда қолдирди ва биз ечим излашимиз керак эди. Ярим соатдан кейин биз уларни топдик. Ҳимоядаги, айниқса чап қанотдаги ўйиндан мамнун эмасдим. "Фулхэм" бу қанотдан бир неча бор ўтди. Олдинги учрашувларда шу таркиб билан ғалаба қозонганмиз. Футболчилар робот эмас, баъзида улар ёмон ўйнашади", деди Тен Хаг матбуот анжуманида.