"Manchester Siti" bosh murabbiyi Pep Gvardiola Jek Grilishning ahvoli haqidagi savolga javob berdi. Yaqinda jarohatidan forig‘ bo‘lgan yarim himoyachi Angliya kubogi doirasida "Luton"ga qarshi o‘yinda asosiy tarkibda maydonga tushdi, biroq 38-daqiqada Jeremi Dokuga maydondagi o‘rnini berishga majbur bo‘ldi.

“U avvalgi jarohatini og‘irlashtirdi. Men hali shifokorlar bilan gaplashmadim. Jek o‘zini juda yaxshi his qildi, lekin afsuski, u yana jarohat oldi. Bu uning uchun qiyin mavsum, u to‘g‘ri tiklanishi kerak", - deya ispaniyalik murabbiyning so‘zlarini keltiradi jurnalist Sem Li.