"Манчестер Сити" бош мураббийи Пеп Гвардиола Жек Грилишнинг аҳволи ҳақидаги саволга жавоб берди. Яқинда жароҳатидан фориғ бўлган ярим ҳимоячи Англия кубоги доирасида "Лутон"га қарши ўйинда асосий таркибда майдонга тушди, бироқ 38-дақиқада Жереми Докуга майдондаги ўрнини беришга мажбур бўлди.
“У аввалги жароҳатини оғирлаштирди. Мен ҳали шифокорлар билан гаплашмадим. Жек ўзини жуда яхши ҳис қилди, лекин афсуски, у яна жароҳат олди. Бу унинг учун қийин мавсум, у тўғри тикланиши керак", - дея испаниялик мураббийнинг сўзларини келтиради журналист Сем Ли.
