Myunxenning "Bavariya" klubi vingeri Leroy Sane tizzasidan kichik jarohat oldi, shu sababli u umumiy guruh bilan mashg‘ulot o‘tkazmayapti.
Jurnalist Maksimilian Kox bergan ma’lumotlarga ko‘ra, nemis futbolchisi maydonda individual mashg‘ulotlarni davom ettirmoqda.
Jarohatga qaramay, manbaning ta’kidlashicha, Leroyning hafta oxirida bo‘lib o‘tadigan "Frayburg"ga qarshi Bundesliga o‘yinida "Bavariya" tarkibida bo‘lish imkoniyati yuqori.
Eslatib o‘tamiz, Sanening "Bavariya" bilan shartnomasi 2025 yilning yozida yakuniga yetadi. Oldinroq vinger "Manchester Siti"ga qaytishi yoki "Barselona"ga o‘tishi mumkinligi haqida xabarlar tarqalgan edi.
Oktyabr oyi oxiridan beri Leroy barcha turnirlarda bitta ham gol ura olmadi.
