Мюнхеннинг "Бавария" клуби вингери Лерой Сане тиззасидан кичик жароҳат олди, шу сабабли у умумий гуруҳ билан машғулот ўтказмаяпти.
Журналист Максимилиан Кох берган маълумотларга кўра, немис футболчиси майдонда индивидуал машғулотларни давом эттирмоқда.
Жароҳатга қарамай, манбанинг таъкидлашича, Леройнинг ҳафта охирида бўлиб ўтадиган "Фрайбург"га қарши Бундеслига ўйинида "Бавария" таркибида бўлиш имконияти юқори.
Эслатиб ўтамиз, Саненинг "Бавария" билан шартномаси 2025 йилнинг ёзида якунига етади. Олдинроқ вингер "Манчестер Сити"га қайтиши ёки "Барселона"га ўтиши мумкинлиги ҳақида хабарлар тарқалган эди.
Октябрь ойи охиридан бери Лерой барча турнирларда битта ҳам гол ура олмади.
