“Inter Mayami” hujumchisi Lionel Messi Instagram ijtimoiy tarmog‘ida 500 million obunachiga ega bo‘ldi.
Bu ko‘rsatkich bo‘yicha argentinalik forvard “An-Nasr” hujumchisi Krishtianu Ronaldudan keyin ikkinchi o‘rinda turadi, uning akkauntini 622 million foydalanuvchi kuzatib boradi.
Argentinalik futbolchidan keyin ijtimoiy tarmoqdagi eng mashhur odamlar ro‘yxatida qo‘shiqchi Selena Gomes (429 million), model Kayli Jenner (400 million) va aktyor Dueyn Jonson (396 million) joy olgan.
Messi 2023 yilning iyulida erkin agent sifatida "Inter Mayami"ga o‘tgan edi. Argentinalik futbolchi Amerika klubi safida 16 ta o‘yin o‘tkazib, 12 ta gol urdi va 6 ta golli uzatmani amalga oshirdi. 36 yoshli futbolchi bilan birgalikda jamoa Liga kubogini qo‘lga kiritdi.
