3-11 mart kunlari Italiyaning Busto-Arsizio shahrida Parij-2024 Olimpiya o‘yinlari uchun yo‘llanma beruvchi 1-jahon kvalifikasion turniri bo‘lib o‘tadi.

Ushbu musobaqada 112 ta davlatdan 632 nafar bokschi 49 ta yo‘llanma uchun ringga ko‘tariladi. Erkaklar 7 ta vaznda 28 ta yo‘llanma uchun, ayollar esa 6 ta vaznda 21 ta Olimpiada yo‘llanmasi uchun bahs olib boradilar.

Turnirda ishtirok etish uchun To‘lqin Qilichev va Elshod Rasulov boshchiligidagi erkaklar va ayollar milliy terma jamoamiz ham Italiyaga yo‘l oldilar.

Terma jamoamizning musobaqa uchun tarkibi bilan tanishing:

Erkaklar:
-63,5 kg: Ruslan Abdullayev
-71 kg: Asadxo‘ja Mo‘ydinxo‘jayev
-80 kg: To‘rabek Habibullayev
-92 kg: Lazizbek Mullojonov

Murabbiylar: To‘lqin Qilichev, Xuan Enrike, Rahmatjon Ro‘ziohunov, Xulio Li, Akmal Hasanov.

Ayollar:
-50 kg: Sabina Boboqulova
-57 kg: Sitora Turdibekova
-60 kg: Rayhona Qodirova
-66 kg: Navbahor Hamidova
-75 kg: Aziza Zokirova

Murabbiylar: Elshod Rasulov, Temur Axbayev, Islom Tajibayev.

Shifokor: Komiljon Rasulov
Fizioterapevt: Xesus Alberto

Bokschilarimizga oldinda turgan musobaqada omad tilaymiz!