"PSJ" bosh murabbiyi Luis Enrike Kilian Mbappening xatti-harakati borasida ko‘plab savollarga duch keldi.

Parijliklar “Monako” bilan durang o‘ynashdi (0:0), biroq Fransiya futbolida kunning eng ko‘p muhokama qilingan mavzusi Kilian Mbappening tanaffusda almashtirilishi va keyinchalik uning stadion tribunalariga ketishi bo‘ldi.

25 yoshli superyulduzning bu xatti-harakati ko‘pchilikni hayratda qoldirdi.

Klubning bu boradagi rasmiy pozisiyasi hozircha noma’lum, ammo futbolchi jazolanishi mumkin.

"Mbappe tribunaga ketdi. Men maydon tashqarisida nima bo‘layotganini ko‘rmadim. Bu futbol shousining bir qismi, lekin mening shoum maydonda sodir bo‘layotgan voqealardan iborat bo‘lishi kerak", - deya Mbappe bilan kelishmovchiliklar haqidagi ma’lumotni rad etdi Luis Enrike.