"ПСЖ" бош мураббийи Луис Энрике Килиан Мбаппенинг хатти-ҳаракати борасида кўплаб саволларга дуч келди.
Парижликлар “Монако” билан дуранг ўйнашди (0:0), бироқ Франция футболида куннинг энг кўп муҳокама қилинган мавзуси Килиан Мбаппенинг танаффусда алмаштирилиши ва кейинчалик унинг стадион трибуналарига кетиши бўлди.
25 ёшли суперюлдузнинг бу хатти-ҳаракати кўпчиликни ҳайратда қолдирди.
Клубнинг бу борадаги расмий позицияси ҳозирча номаълум, аммо футболчи жазоланиши мумкин.
"Мбаппе трибунага кетди. Мен майдон ташқарисида нима бўлаётганини кўрмадим. Бу футбол шоусининг бир қисми, лекин менинг шоум майдонда содир бўлаётган воқеалардан иборат бўлиши керак", - дея Мбаппе билан келишмовчиликлар ҳақидаги маълумотни рад этди Луис Энрике.
