"Chelsi" bosh murabbiyi Maurisio Pochettino o‘ng qanot himoyachisi Ris Jeyms jarohatidan keyin qachon safga qaytishini aytdi.

Eslatib o‘tamiz, angliyalik futbolchi tizzasidan operasiya qilingan va hozirda reabilitasiyadan o‘tmoqda.

"O‘ylaymanki, Ris mavsumning qolgan qismidagi o‘yinlarda ishtirok etadi. Hech bo‘lmaganda shunday umid qilaman. Men uchun eng muhimi, u o‘zining eng yaxshi formasiga qaytishi va o‘zini kuchli his qilishi. Hozircha Jeymsning qachon qaytishini aniq ayta olmayman" - dedi Pochettino matbuot anjumanida.

Jeyms Angliya Premyer-ligasining joriy mavsumida 8 ta o‘yinda maydonga tushdi va bitta golli uzatmani amalga oshirdi.