"Челси" бош мураббийи Маурисио Почеттино ўнг қанот ҳимоячиси Рис Жеймс жароҳатидан кейин қачон сафга қайтишини айтди.
Эслатиб ўтамиз, англиялик футболчи тиззасидан операция қилинган ва ҳозирда реабилитациядан ўтмоқда.
"Ўйлайманки, Рис мавсумнинг қолган қисмидаги ўйинларда иштирок этади. Ҳеч бўлмаганда шундай умид қиламан. Мен учун энг муҳими, у ўзининг энг яхши формасига қайтиши ва ўзини кучли ҳис қилиши. Ҳозирча Жеймснинг қачон қайтишини аниқ айта олмайман" - деди Почеттино матбуот анжуманида.
Жеймс Англия Премьер-лигасининг жорий мавсумида 8 та ўйинда майдонга тушди ва битта голли узатмани амалга оширди.
