Juma kuni Italiya A Seriyasi doirasida "Lasio" - "Milan" uchrashuvi bo‘lib o‘tdi. Stefano Pioli shogirdlari Rimda o‘yinning oxirida kiritilgan gol evaziga g‘alaba qozonishdi (1:0). O‘yin o‘zining qo‘polligi bilan yodda qoldi - ko‘plab qoidabuzarliklar, to‘qqizta sariq va uchta qizil kartochka. Uchala chetlatilish ham "Lasio" futbolchilari bilan ro‘y berdi

Hakam Marko di Bello ushbu harakati uchun tanqidga uchradi, Italiya OAVlari unga past baho berishdi. Aftidan, hakam o‘yin tizginini qo‘ldan chiqargan va endi uni bir oylik diskvalifikasiya tarzidagi jazo kutmoqda, deb yozadi Football Italia.

Aytish joizki, Di Bello uchun bu joriy mavsumdagi ikkinchi ishdan chetlatish bo‘ladi.