Жума куни Италия А Серияси доирасида "Лацио" - "Милан" учрашуви бўлиб ўтди. Стефано Пиоли шогирдлари Римда ўйиннинг охирида киритилган гол эвазига ғалаба қозонишди (1:0). Ўйин ўзининг қўполлиги билан ёдда қолди - кўплаб қоидабузарликлар, тўққизта сариқ ва учта қизил карточка. Учала четлатилиш ҳам "Лацио" футболчилари билан рўй берди

Ҳакам Марко ди Белло ушбу ҳаракати учун танқидга учради, Италия ОАВлари унга паст баҳо беришди. Афтидан, ҳакам ўйин тизгинини қўлдан чиқарган ва энди уни бир ойлик дисквалификация тарзидаги жазо кутмоқда, деб ёзади Football Italia.

Айтиш жоизки, Ди Белло учун бу жорий мавсумдаги иккинчи ишдан четлатиш бўлади.