Chexiya poytaxti Praga shahrida shaxmat bo‘yicha "Prague Masters" xalqaro musobaqasida bugun 5-tur o‘yinlari bo‘lib o‘tdi.

Hamyurtimiz Nodirbek Abdusattorov bu turda polshalik Bartel Mateushga qarshi qora donalarda o‘ynadi. Raqib 18-yurishdan boshlab kichik noaniqliklarga yo‘l qo‘ya boshladi. Buning oqibatida hamyurtimizning ustunligi oshib bordi. 26-yurishga kelib Nodirbek 2ta yo‘li ochik piyoda ustunligaga ega bo‘ldi. Bartel ularni to‘xtat olmasligiga ko‘zi yetgach, 28-yurishda taslim bo‘ldi.

Nodirbek Abdusattorov bugun g‘alaba tufayli ochkolarini 4,0 taga yetkazdi va jadvalda yaqqol peshqadamga aylandi

Vatandoshimiz 4 mart, dushanba kuni hindistonlik Rameshbabu Pragnanadhaga qarshi oq donalarda o‘ynaydi.