"Real Madrid" bosh murabbiyi Karlo Anchelotti madridliklar jamoasi futbolchisi Lukas Vaskesning amaldagi shartnomasi haqida gapirdi.

"Biz uning shartnomasini hali klub rahbariyati bilan muhokama qilganimiz yo‘q. Iyun oyida bir qancha futbolchilarning shartnomalari tugayapti. Bir narsani ayta olaman: Lukas mavsumni ajoyib o‘tkazmoqda", — deydi murabbiy.

Vaskes 2007 yildan beri "Real Madrid" tizimida o‘ynamoqda. Ispaniyalik futbolchi “Los-Blankos” bilan 17 ta sovrin, jumladan, 4 ta Chempionlar Ligasi kubogini qo‘lga kiritgan.

Joriy mavsumda Vaskes "Real" safida barcha musobaqalarda 28 ta o‘yin o‘tkazib, bitta gol va 4 ta golli uzatmaga mualliflik qilgan.