"Реал Мадрид" бош мураббийи Карло Анчелотти мадридликлар жамоаси футболчиси Лукас Васкеснинг амалдаги шартномаси ҳақида гапирди.
"Биз унинг шартномасини ҳали клуб раҳбарияти билан муҳокама қилганимиз йўқ. Июн ойида бир қанча футболчиларнинг шартномалари тугаяпти. Бир нарсани айта оламан: Лукас мавсумни ажойиб ўтказмоқда", — дейди мураббий.
Васкес 2007 йилдан бери "Реал Мадрид" тизимида ўйнамоқда. Испаниялик футболчи “Лос-Бланкос” билан 17 та соврин, жумладан, 4 та Чемпионлар Лигаси кубогини қўлга киритган.
Жорий мавсумда Васкес "Реал" сафида барча мусобақаларда 28 та ўйин ўтказиб, битта гол ва 4 та голли узатмага муаллифлик қилган.
