YECHLning 1/8 final bosqichi javob uchrashuvi doirasida "Bavariya" o‘z maydonida Rimning "Lasio" jamoasini qabul qiladi.
Uchrashuvdan oldin myunxenliklar bosh murabbiyi Tomas Tuxel o‘yin haqidagi fikrlari bilan o‘rtoqlashdi.
"Vaziyat juda aniq. Eng yaxshi o‘ynashimiz uchun bosimni his qilishimiz kerak. Natijaga erishish uchun bosim kerak. Biz Maurisio Sarrining yaxshi tashkil etilgan jamoasiga qarshi g‘alaba qozonishimiz kerakligini bilamiz. Umid qilamizki, ishqibozlar va uy stadioni maqsadimizga – ikki to‘p farqi bilan g‘alaba qozonishimizga yordam beradi.
Sabr-toqatli bo‘lish va hamma narsa darhol ishlamasa, xafa bo‘lmaslik muhimdir. Bu ertangi o‘yinning bir qismi bo‘ladi. Hamma narsani tuzatish uchun 90 daqiqa vaqtimiz bor. Bizga sovuqqonlik kerak. Biz his-tuyg‘ularni his qilishimiz va boshidanoq gol urishni xohlayotganimizni ko‘rsatishimiz kerak" - dedi Tuxel.