“Lasio” hujumchisi Chiro Immobile “Bavariya” bilan bugun, 5-mart kuni bo‘lib o‘tadigan Chempionlar ligasi 1/8 finalining bo‘lajak javob uchrashuvi haqida o‘z fikrlari bilan o‘rtoqlashdi.
"Biz Chempionlar ligasida yaxshi yo‘ldan borishga muvaffaq bo‘ldik va qilgan ishimizdan mamnunmiz, garchi “Lasio” bu musobaqada doimiy ishtirok etuvchi jamoa bo‘lmasa ham.
Biz o‘z o‘yinimiz bilan faxrlanamiz va "Bavariya"ga qarshi o‘yin payti yaxshi natija ko‘rsatishni istaymiz.
Biz raqibni hurmat qilishimiz kerak. Ozgina ustunlikka egamiz, ammo biz keskin vaziyatga tushib qolishimizni ham bilamiz", - deya Immobilening so‘zlarini keltiradi jurnalist Alfredo Pedulla.
Eslatib o‘tamiz, birinchi o‘yinda “Lasio” 1:0 hisobida g‘alaba qozongan edi.
