“Лацио” ҳужумчиси Чиро Иммобиле “Бавария” билан бугун, 5-март куни бўлиб ўтадиган Чемпионлар лигаси 1/8 финалининг бўлажак жавоб учрашуви ҳақида ўз фикрлари билан ўртоқлашди.
"Биз Чемпионлар лигасида яхши йўлдан боришга муваффақ бўлдик ва қилган ишимиздан мамнунмиз, гарчи “Лацио” бу мусобақада доимий иштирок этувчи жамоа бўлмаса ҳам.
Биз ўз ўйинимиз билан фахрланамиз ва "Бавария"га қарши ўйин пайти яхши натижа кўрсатишни истаймиз.
Биз рақибни ҳурмат қилишимиз керак. Озгина устунликка эгамиз, аммо биз кескин вазиятга тушиб қолишимизни ҳам биламиз", - дея Иммобиленинг сўзларини келтиради журналист Алфредо Педулла.
Эслатиб ўтамиз, биринчи ўйинда “Лацио” 1:0 ҳисобида ғалаба қозонган эди.
