Yakshanba kuni “Manchester Siti” Angliya Premyer-ligasi doirasida “Liverpul”ga qarshi safarda o‘ynaydi.
Hozir jamoalar jadvalda birinchi va ikkinchi o‘rinlarni egallab turibdi - "shaharliklar" "qizillar"dan bir ochko ortda qolmoqda.
"Manchester Siti" hujumchisi Erling Xoland ushbu uchrashuv haqida fikr bildirdi.
"Siz hozir bu savolni bermaguningizcha bu o‘yin haqida o‘ylamagandim. E’tiborimni “Kopengagen”ga qarshi o‘yinga qaratganman.
Ammo bu "Liverpul"ga qarshi ajoyib o‘yin bo‘ladi. Biz bunga tayyor bo‘lishimiz va jasoratli bo‘lishimiz kerak.
Biz qo‘limizdan kelganicha o‘ynashimiz kerak", dedi Xoland seshanba kuni bo‘lib o‘tgan matbuot anjumanida.
