Якшанба куни “Манчестер Сити” Англия Премьер-лигаси доирасида “Ливерпул”га қарши сафарда ўйнайди.
Ҳозир жамоалар жадвалда биринчи ва иккинчи ўринларни эгаллаб турибди - "шаҳарликлар" "қизиллар"дан бир очко ортда қолмоқда.
"Манчестер Сити" ҳужумчиси Эрлинг Холанд ушбу учрашув ҳақида фикр билдирди.
"Сиз ҳозир бу саволни бермагунингизча бу ўйин ҳақида ўйламагандим. Эътиборимни “Копенгаген”га қарши ўйинга қаратганман.
Аммо бу "Ливерпул"га қарши ажойиб ўйин бўлади. Биз бунга тайёр бўлишимиз ва жасоратли бўлишимиз керак.
Биз қўлимиздан келганича ўйнашимиз керак", деди Холанд сешанба куни бўлиб ўтган матбуот анжуманида.
