"Real Madrid" bosh murabbiyi Karlo Anchelotti jamoa hujumchisi Vinisius Junior bilan bog‘liq epizod haqida fikr bildirdi. "RB Leypsig" bilan o‘yinning ikkinchi bo‘limida braziliyalik raqibiga daslab qo‘pollik qildi, so‘ng bo‘ynidan itarib yubordi.
“Vinisius ajoyib gol urdi. Uning qo‘polligi? Menimcha, bu qizil kartochka emas", - dedi italiyalik mutaxassis.
Madridda “Real” va “RB Leypsig” jamoalari o‘rtasidagi javob uchrashuvi bo‘lib o‘tdi va 1:1 hisobida durang bilan yakunlandi. Ikki o‘yin natijasiga ko‘ra, “qirollik” klubi g‘alaba qozondi (2:1) va chorak finalga yo‘l oldi. Qur’a tashlash marosimi 15 mart kuni bo‘lib o‘tadi.
