"Portu"ning argentinalik 22 yoshli yarim himoyachi Alan Varelaga "PSJ", "Liverpul" hamda "Borussiya Dortmund" qiziqish bildirmoqda. Bu haqda Footmercato xabar bermoqda.

Futbolchi o‘tgan yozda Portugaliya klubiga kelib qo‘shilgandi, biroq manbaga ko‘ra, u allaqachon futbol mutaxassislari va muxlislari orasida yaxshi taassurot qoldira olgan. O‘yinchi bir necha bor o‘z jamoasi o‘yinlarida eng yaxshi deb topilgan va "yangi Maskerano" laqabini ham olgan.

Portugaliya klubi o‘z futbolchisini 70 million yevrodan kamiga qo‘yib yuborish niyatida emas. Bundan tashqari, uning sobiq klubi argentinalik "Boka Xuniors" ham futbolchining sotilganidan ma’lum foizini olishi xabar qilingan.

Varela "Portu" safida barcha musobaqalarda 30 ta o‘yin o‘tkazib, ikkita gol va ikkita golli uzatmaga mualliflik qilgan. Transfermarkt internet portaliga ko‘ra futbolchining taxminiy narxi 14 million yevroni tashkil qiladi.