"Chelsi" o‘zining rasmiy saytida 2022/23 yilgi mavsum uchun moliyaviy hisobotni e’lon qildi.

Bu raqamlarga ko‘ra, London klubi o‘tgan mavsumda 512,5 million funt ishlab topib, birinchi marta 500 million funt sterlinglik marrani zabt etdi (avval bu ko‘rsatkich 481,3 million funt sterling edi).

"Chelsi"ning soliqlardan keyingi yo‘qotishlari 90,1 million funt sterlingga yetdi - bu 2021/2022 yilgi mavsumdagidan 31,3 million funtga kam.

O‘tgan mavsum yakunida “ko‘klar” 44 ochko bilan Angliya chempionatida 12-o‘rinni egallagandi. Ayni damda jamoa 26 turda 36 ochko jamg‘argan holda Premyer-liga turnir jadvalida 11-o‘rinda bormoqda. “Chelsi”ni 2023 yildan buyon argentinalik murabbiy Maurisio Pochettino boshqarib kelmoqda.