"Челси" ўзининг расмий сайтида 2022/23 йилги мавсум учун молиявий ҳисоботни эълон қилди.

Бу рақамларга кўра, Лондон клуби ўтган мавсумда 512,5 миллион фунт ишлаб топиб, биринчи марта 500 миллион фунт стерлинглик маррани забт этди (аввал бу кўрсаткич 481,3 миллион фунт стерлинг эди).

"Челси"нинг солиқлардан кейинги йўқотишлари 90,1 миллион фунт стерлингга етди - бу 2021/2022 йилги мавсумдагидан 31,3 миллион фунтга кам.

Ўтган мавсум якунида “кўклар” 44 очко билан Англия чемпионатида 12-ўринни эгаллаганди. Айни дамда жамоа 26 турда 36 очко жамғарган ҳолда Премьер-лига турнир жадвалида 11-ўринда бормоқда. “Челси”ни 2023 йилдан буён аргентиналик мураббий Маурисио Почеттино бошқариб келмоқда.