Nufuzli jurnalist Fabrisio Romano "Milan" yulduzi Rafael Leauning "Manchester Siti"ga o‘tish ehtimolini baholadi. Avvalroq, "shaharliklar" portugaliyalik uchun 150 million yevro tovon puli to‘lashga tayyor ekani xabar qilingandi.
"To‘g‘risini aytsam, menda "Manchester Siti" Leauni 150 million yevroga sotib olmoqchiligi haqida hech qanday ma’lumotga ega emasman. Ikkala tomon ham mish-mishlarni tasdiqlamadi, hozircha muzokaralar olib borilmayapti”, dedi Romano o‘zining podkastida.
Leauning "Milan" bilan shartnomasi 2028 yilning iyuniga qadar tuzilgan. 24 yoshli vinger joriy Italiya chempionatida 4 ta gol urdi va 8 ta golli uzatmani amalga oshirdi.
