Germaniya chempionatining 25-turi doirasida «Bavariya» o‘z maydonida «Mayns»ni qabul qilib, o‘ta yirik hisobda g‘alaba qozondi.

Myunxenliklarning 8ta goliga mezbonlar atigi bir marta javob qaytarishdi. O‘yinda Xarri Keyn xet-trikka erishgan bo‘lsa, Leon Goretska dublni rasmiylashtirdi.

Tomas Myuller, Jamol Musiala va Serj Gnabri o‘z hisoblariga bittadan gol yozishdi.

«Bavariya» ushbu g‘alabadan so‘ng o‘z ochkolarini 57 taga yetkazdi va jadvalda 2-pog‘onada bormoqda. «Bayer» hisobida esa 64 ochko bor.

Bundesliga, 25-tur
Bavariya – Mayns 8:1 (3:1, 5:0)
Gollar: 1:0 – 13 Keyn, 2:0 – 19 Goretska, 2:1 – 31 Amiri, 3:1 – 45 Keyn, 4:1 – 47 Myuller, 5:1 – 61 Musiala, 6:1 – 66 Gnabri, 7:1 – 70 Keyn, 8:1 – 90+2 Goretska.
Bavariya – Noyer, Dayer (Kim Min Chje, 75), de Ligt, Devis (Gerreyru, 18), Goretska, Laymer, Kimmix, Myuller (Tel, 62), Sane (Gnabri, 62), Musiala (Saragosa, 75), Keyn.
Mayns – Sentner, Vidmer, Kasi, van der Berg, Gilavogi (Fernandesh, 35), Mvene, Li Chje Son (Rixter, 65), Amiri, Kraus (da Koshta, 76), Gruda (Xanche-Olsen, 76), Burkardt (Ajork, 65).
Ogohlantirishlar: Laymer (5), Vidmer (84).