Italiyada davom etayotgan boks bo‘yicha Parij-2024 olimpiadasi uchun lisenzion turnirda kecha 4 nafar bokschilarimiz ringga ko‘tarilishdi.

-66 kg vazndagi bokschimiz Navbahor Hamidova musobaqadagi ikkinchi jangini niderlandiyalik Luna Amaro Beelooga qarshi o‘tkazdi. Yakunda esa iqtidorli vakilimiz raqibasini ishonchli tarzda 5:0 hisobida mag‘lubiyatga uchratdi.

-75 kg vazndagi bokschimiz Aziza Zokirova ukrainalik Karolina Mahoga qarshi bo‘lib o‘tgan bahsda raqibasini mag‘lubiyatga uchratdi va keyingi bosqichga yo‘l oldi.

-92 kg vaznda g‘alabali seriya taqdim etib kelayotgan Lazizbek Mulojonov, navbatdagi jangini Togo davlati vakili Kevin Kuajoviga qarshi o‘tkazdi. Bahs yakunida esa bokschimiz raqibiga hech qanday imkoniyat qoldirmadi. 5:0.

-63,5 kg vaznda bahs olib borayotgan bokschimiz  Ruslan Abdullayev ham o‘zining navbatdagi jangini o‘tkazdi. Unga bu safar kosovalik Shpetim Bajoku raqiblik qildi. 2 raund davom etgan jangda Ruslan raqibini texnik nokautga uchratdi.

Shu tariqa, kechagi janglardan so‘ng to‘rttala vakilimiz musobaqaning chorak final bosqichiga chiqishdi:

-66 kg. Navbahor Hamidova - Luna Amaro Beeloo (Niderlandiya) — 5:0.

-75 kg. Aziza Zokirova - Karolina Maho (Ukraina) — 5:0.

-92 kg. Lazizbek Mulojonov - Kevin Kuajovi (Togo) — 5:0.

-63,5 kg. Ruslan Abdullayev - Shpetim Bajoku (Kosovo) — 2-raundda texnik nokaut.