"Roma" bosh murabbiyi Daniele de Rossi "Fiorentina"ga qarshi o‘yinda (2:2) nima uchun Paulo Dibalani almashtirganini tushuntirdi.
Argentinalik hujumchi rimliklar hisobni boy berayotgan vaqtda (1:2) 73-daqiqada maydonni tark etdi. Uchrashuv yakunida mehmonlar mag‘lubiyatdan qutulib qolishdi.
O‘yin tugagandan so‘ng jurnalistlar "bo‘rilar" ustozidan Dibalaning almashtirilishi boshqa jarohat bilan bog‘liqmi, deb so‘rashdi.
"Paulo ajoyib o‘yin o‘tkazdi, u o‘yinni qurishda yordam berish uchun qaytdi. U charchaganini his qilgani uchun almashtirdik. Menimcha, unda hech qanday jarohat yo‘q” - dedi de Rossi DAZN nashriga.
