"Рома" бош мураббийи Даниэле де Росси "Фиорентина"га қарши ўйинда (2:2) нима учун Пауло Дибалани алмаштирганини тушунтирди.
Аргентиналик ҳужумчи римликлар ҳисобни бой бераётган вақтда (1:2) 73-дақиқада майдонни тарк этди. Учрашув якунида меҳмонлар мағлубиятдан қутулиб қолишди.
Ўйин тугагандан сўнг журналистлар "бўрилар" устозидан Дибаланинг алмаштирилиши бошқа жароҳат билан боғлиқми, деб сўрашди.
"Пауло ажойиб ўйин ўтказди, у ўйинни қуришда ёрдам бериш учун қайтди. У чарчаганини ҳис қилгани учун алмаштирдик. Менимча, унда ҳеч қандай жароҳат йўқ” - деди де Росси DAZN нашрига.
