"Manchester Yunayted" "Atalanta" yarim himoyachisi Tyon Kopmeynersni sotib olish imkoniyatini o‘rganmoqda.

"Qizil iblislar"ning niderlandiyalik futbolchiga qiziqishi yil boshidayoq xabar qilingan edi, "Yuventus" ham futbolchiga da’vogarlik qilmoqda. Insayder Nikolo Skiraning so‘zlariga ko‘ra, "Manchester Yunayted" skautlari A Seriyaning yakshanba kuni bo‘lib o‘tgan "Atalanta" va "Yuventus" o‘rtasidagi o‘yinini kuzatishgan. Bergamoliklar rahbariyati 60 million yevroga baholayotgan 26 yoshli yarim himoyachining o‘yinini ingliz grandi vakillari tomosha qilishdi.

Eslatib o‘tamiz, o‘tgan yozda "Manchester Yunayted" "Atalanta"dan katta transferini amalga oshirgan edi: o‘shanda hujumchi Rasmus Xyoylund Bergamodan Manchesterga 70 million yevrodan ko‘proq pul evaziga ko‘chib o‘tgandi.