"Манчестер Юнайтед" "Аталанта" ярим ҳимоячиси Тён Копмейнерсни сотиб олиш имкониятини ўрганмоқда.
"Қизил иблислар"нинг нидерландиялик футболчига қизиқиши йил бошидаёқ хабар қилинган эди, "Ювентус" ҳам футболчига даъвогарлик қилмоқда. Инсайдер Николо Скиранинг сўзларига кўра, "Манчестер Юнайтед" скаутлари А Сериянинг якшанба куни бўлиб ўтган "Аталанта" ва "Ювентус" ўртасидаги ўйинини кузатишган. Бергамоликлар раҳбарияти 60 миллион еврога баҳолаётган 26 ёшли ярим ҳимоячининг ўйинини инглиз гранди вакиллари томоша қилишди.
Эслатиб ўтамиз, ўтган ёзда "Манчестер Юнайтед" "Аталанта"дан катта трансферини амалга оширган эди: ўшанда ҳужумчи Расмус Хёйлунд Бергамодан Манчестерга 70 миллион евродан кўпроқ пул эвазига кўчиб ўтганди.
