Madridning “Real” klubi yarim himoyachisi Braim Dias qaysi terma jamoada o‘ynashini hal qildi.
Avval xabar qilinganidek, 24 yoshli futbolchini bir vaqtning o‘zida ikkita terma jamoa - Ispaniya va Marokash o‘z terma jamoasida ko‘rmoqchi. Yarim himoyachi mart oyidagi xalqaro tanaffusdan oldin javob berishi kerak va u allaqachon o‘z tanlovini amalga oshirgan ko‘rinadi. Marca xabariga ko‘ra, Dias Ispaniya emas, Marokash terma jamoasi sharafini himoya qilishga qaror qilgan. U 22 mart kuni bo‘lib o‘tadigan Angola terma jamoasiga qarshi o‘rtoqlik o‘yinida Valid Regragi jamoasida debyut qilishi mumkin.
Braim Dias Ispaniya terma jamoasida yoshlar toifasida o‘ynagan, shuningdek, asosiy terma jamoada bitta o‘yin o‘tkazgan (2021 yilda Litva bilan o‘rtoqlik uchrashuvi).
