Мадриднинг “Реал” клуби ярим ҳимоячиси Браим Диас қайси терма жамоада ўйнашини ҳал қилди.
Аввал хабар қилинганидек, 24 ёшли футболчини бир вақтнинг ўзида иккита терма жамоа - Испания ва Марокаш ўз терма жамоасида кўрмоқчи. Ярим ҳимоячи март ойидаги халқаро танаффусдан олдин жавоб бериши керак ва у аллақачон ўз танловини амалга оширган кўринади. Marca хабарига кўра, Диас Испания эмас, Марокаш терма жамоаси шарафини ҳимоя қилишга қарор қилган. У 22 март куни бўлиб ўтадиган Ангола терма жамоасига қарши ўртоқлик ўйинида Валид Реграги жамоасида дебют қилиши мумкин.
Браим Диас Испания терма жамоасида ёшлар тоифасида ўйнаган, шунингдек, асосий терма жамоада битта ўйин ўтказган (2021 йилда Литва билан ўртоқлик учрашуви).
