"Liverpul"ning sobiq futbolchisi Jeymi Karrager "Manchester Siti"ning muddatidan oldin chempionlikni qo‘lga kiritish odatidan farqli o‘laroq, APLdagi chempionlik poygasi so‘nggi turgacha davom etishiga ishonch bildirmoqda. Karrager yakshanba kuni bo‘lib o‘tgan va 1:1 hisobida durang bilan yakunlangan "Manchester Siti" - "Liverpul" uchrashuvini tomosha qilib, shunday xulosaga keldi.
"Qanday o‘yin! Har ikki jamoa ham maqtovdan yuqori o‘yin ko‘rsatdi. Bu ikkala jamoaning so‘nggi olti yoki yetti yil ichida bizga ko‘rsatgan narsalarini ta’riflab bo‘lmaydi. Ko‘ryapmanki, chempionlik poygasi bu mavsumda so‘nggi turgacha davom etadi", - dedi Karrager BBC Sport bilan suhbatda.
