"Ливерпул"нинг собиқ футболчиси Жейми Каррагер "Манчестер Сити"нинг муддатидан олдин чемпионликни қўлга киритиш одатидан фарқли ўлароқ, АПЛдаги чемпионлик пойгаси сўнгги тургача давом этишига ишонч билдирмоқда. Каррагер якшанба куни бўлиб ўтган ва 1:1 ҳисобида дуранг билан якунланган "Манчестер Сити" - "Ливерпуль" учрашувини томоша қилиб, шундай хулосага келди.
"Қандай ўйин! Ҳар икки жамоа ҳам мақтовдан юқори ўйин кўрсатди. Бу иккала жамоанинг сўнгги олти ёки етти йил ичида бизга кўрсатган нарсаларини таърифлаб бўлмайди. Кўряпманки, чемпионлик пойгаси бу мавсумда сўнгги тургача давом этади", - деди Каррагер BBC Sport билан суҳбатда.
