Koul Palmer "Chelsi" safida yana bir bor gol urdi va golli uzatma berdi.

21 yoshli yarim himoyachi APL 28-turidan o‘rin olgan "Nyukasl"ga qarshi o‘yinda (3:2) Nikolas Jeksonga assistentlik qildi va o‘zi ham gol urdi.

Koul joriy mavsumda Premyer-liganing 5 ta o‘yinida gol urgan va golli uzatma bergan birinchi futbolchi bo‘ldi.

U avvalroq "Byornli" (4:1), "Tottenxem" (4:1), "Sheffild Yunayted" (2:0) va "Luton" (3:2) bilan o‘yinlarda gol urgan va assistentlik qilgandi.

Gol+pas tizimidan foydalangan holda Palmer “Chelsi” safida Premyer-ligadagi 24 uchrashuvda 19 ochko (11+8) to‘pladi.

"Manchester Siti"ning sobiq futbolchisi barcha musobaqalarda 13 ta gol bilan "ko‘klar"ning eng yaxshi to‘purarlari ro‘yxatini boshqarib turibdi.