"Chelsi" bosh murabbiyi Maurisio Pochettino londonliklar jamoasining Angliya Premyer-ligasining 28-turi doirasidagi "Nyukasl"ga qarshi o‘yindagi g‘alabasi (3:2) haqida fikr bildirdi.
“Bu futbol: goh yutasan, goh yutqazasan. Biz ajoyib o‘yinchilar bilan juda yaxshi jamoaga qarshi o‘ynadik, bu juda qiyin bo‘ldi. "Chelsi" g‘alaba qozondi, eng muhimi - uch ochko, biz oldinga intilishda davom etamiz.
Hujumkor o‘yinchilar o‘zlarini ishonchli his qilishlari va gol urish orqali o‘yinlarda g‘alaba qozonishimizni bilishlari muhim. Lekin sodir bo‘lmasligi kerak bo‘lgan xatolardan so‘ng ikkita gol o‘tkazib yuborganimizdan biroz afsusdaman. Lekin mana shunday tarzda rivojlanamiz – bosimni davom ettirish va oldinga intilish kerak", - deya Pochettino so‘zlarini keltiradi BBC.
