"Borussiya Dortmund", "Bayer" va "RB Leypsig" "Shtutgart"ning 26 yoshli vingeri Kris Fyurixni o‘z safiga qo‘shib olmoqchi. Bu haqda jurnalist Florian Plettenberg xabar berdi.

Manbaning xabariga ko‘ra, yuqoridagi barcha klublar futbolchining shartnomasi tafsilotlari, jumladan, tovon puli miqdori bo‘yicha band borligi bilan qiziqishgan. Eng katta qiziqish "Bayer"dan bo‘lgan. Futbolchining transfer narxi 20 million yevro atrofida bo‘lishi kutilmoqda.

Joriy mavsumda Fyurix “Shtutgart” safida 29 ta o‘yin o‘tkazib, 8 ta gol urdi va 7 ta golli uzatmani amalga oshirdi.