"Боруссия Дортмунд", "Байер" ва "РБ Лейпциг" "Штутгарт"нинг 26 ёшли вингери Крис Фюрихни ўз сафига қўшиб олмоқчи. Бу ҳақда журналист Флориан Плеттенберг хабар берди.
Манбанинг хабарига кўра, юқоридаги барча клублар футболчининг шартномаси тафсилотлари, жумладан, товон пули миқдори бўйича банд борлиги билан қизиқишган. Энг катта қизиқиш "Байер"дан бўлган. Футболчининг трансфер нархи 20 миллион евро атрофида бўлиши кутилмоқда.
Жорий мавсумда Фюрих “Штутгарт” сафида 29 та ўйин ўтказиб, 8 та гол урди ва 7 та голли узатмани амалга оширди.
