O‘zbekiston Superligasining ikkinchi tur bahslari o‘z yakuniga yetdi. Ushbu turda ko‘plab kutilmagan natijalar qayd etildi. Shuningdek, bu turda bir nechta o‘yinlarda durang natijalar qayd etildi.

Keling! 2-turda bo‘lib o‘tgan o‘yinlarning statistikalari haqida batafsil to‘xtalib o‘tamiz:

Birinchi o‘yin Bekobodda “Metallurg” va “So‘g‘diyona” jamoalari o‘rtasida bo‘lib o‘tdi. Ikki jamoa ham ushbu o‘yin ikki xil natija bilan yetib kelgan edi. “So‘g‘diyona” o‘z uyida “Neftchi”dan yengilgan bo‘lsa, “Metallurg” mehmonda “Lokomotiv” bilan durang o‘ynagan edi.

“Metallurg” va “So‘g‘diyona” o‘rtasidagi o‘yin nisbatan teng kuchlar ostida o‘tdi. O‘yinda bekobodliklar 51 foiz to‘pga egalik qilgan holda 77 bor hujum uyushtirdi. Biroq, uyushtirilgan hujumlarning 46tasigi xavflilik tusini oldi xolos.

“So‘g‘diyona” esa 49 foiz to‘pga egalik qilib, 76 bor hujum uyushtirdi. Jizzaxliklar tomonidan uyushtirilgan hujumlarning 46tasi esa xavfli tarzda tashkil qilindi.

Mezbonlar o‘yin davomida “So‘g‘diyona” darvozasi tomon umumiy 7 bor zarba berdi. Lekin berilgan zarbalarning ikkitasigina darvoza tomon aniq bordi xolos. Jizzaxliklar o‘yin davomida “Metallurg” darvozasi tomon 8 bor zarba berdi. Lekin ushbu jamoa ham atigi 2ta aniq zarba berdi.

Jamoalar o‘yin davomida umumiy 10 bor burchak to‘pini amalga oshirishdi. Bekobodliklar 6 bor burchak to‘pini amalga oshirishgan bo‘lsa, jizzaxliklar 4 bor burchak to‘pini amalga oshirishdi.

Ushbu o‘yinda ikki jamoaning ham darvozaboni sifatli harakat qildi. Chunki jamoalar tomonidan yo‘llangan ikkitadan aniq zarbani darvozabonlar qaytarishga erishdi.

Ikki jamoaga ham ochko zarurligi sababli futbolchilar biroz emosiyaga berilishdi. Shu sababli bosh hakam “Metallurg” futbolchilariga 3ta, “So‘g‘diyona” futbolchilariga esa 2ta sariq kartochka ko‘rsatdi.

Ko‘rib turganingizdek, “Metallurg” va “So‘g‘diyona” haqli tarzda 0:0 hisobida durang o‘ynagan. Buni yuqorida aytib o‘tganimizdek, statistikalar ham aytib turibdi.

Ikkinchi o‘yin Toshkentda “Paxtakor” va “Nasaf” jamoalari o‘rtasida bo‘lib o‘tdi. Superligada bir necha yillardan beri raqobat qilayotgan ushbu jamoalar yangi mavsumning ikkinchi turidayoq to‘qnash kelishdi.

Mutaxassislar va muxlislar ushbu o‘yinda “Nasaf”ning imkoniyatlarini yuqori baholagan edi. Biroq, “Paxtakor” ham hali kuchsizlanmaganini isbotlab qo‘ydi.

O‘yinda “Paxtakor” 55 foiz to‘pga egalik qilgan holda biroz ustunlikka erishdi. Buni darvoza tomon berilgan zarbalardan ham ko‘rishimiz mumkin.

“Sherlar” ushbu o‘yinda qarshiliklar darvozasi tomon 15 bor zarba berdi. Ushbu yo‘llangan zarbalarning 6tasi darvoza sohasi tomon aniq bo‘ldi xolos. “Nasaf” esa yo‘llagan 8ta zarbasidan 4tasi darvozaga aniq bordi. Lekin ikki jamoa futbolchilari tomonidan yo‘llangan aniq zarbalarning barchasi darvozabonlar tomonidan qaytarildi.

“Paxtakor” o‘yin davomida 4 bor burchak to‘pini amalga oshirgan bo‘lsa, “Nasaf” 2 bor burchak to‘pini amalga oshirdi.

Yangi mavsum oldidan “Paxtakor” mutaxassislar tomonidan kuchsizlanib qolgani aytilgan edi. Biroq, ushbu o‘yinda “sherlar” hali ham kuchli jamoa ekani ma’lum bo‘ldi. Chunki, Toshkent jamoasi o‘yin davomida 91ta hujum uyushtirdi. Ushbu hujumlarning 61tasi xavfli bo‘ldi. “Nasaf” esa 88ta hujum uyushtirgan bo‘lib, 48tasida xavflilik darajasi yuqori bo‘lgan xolos.

Ko‘rib turganingdek, o‘yinda “Paxtakor” nisbatan ustunlik qilgan. Biroq, “Nasaf”ning tartibli himoyalanishi sababli jamoalar 0:0 hisobida durangga imzo chekishdi.

Uchinchi o‘yinda “Olimpik” va “Lokomotiv” jamoalari o‘rtasida bo‘lib o‘tdi. Olimpiyachilarimiz birinchi turda “Nasaf”dan yengilgan bo‘lsa, “Loko” “Metallurg” bilan durang o‘ynagan. Shu sababli ikki jamoa uchun ham ochko muhim edi.

O‘yinda “Olimpik” ko‘proq to‘pga egalik qilgan bo‘lsa ham “temiryo‘lchilar” nisbatan ustunlikka erishdi. Ushbu bahsda “Olimpik” 51 foiz to‘pga egalik qilib, raqibining darvozasi tomon 4 bor zarba berdi. Lekin Kapadze shogirdlari ikkita aniq zarba berishga erishdi xolos.

“Temiryo‘lchilar” o‘yin davomida raqibi tomon 6 bor zarba bergan bo‘lsa, shundan 4tasi darvoza sohasi tomon aniq bordi. Lekin yo‘llangan aniq zarbalarning barchasi darvozabonlar tomonidan qaytarildi.

O‘yinda “Olimpik” 2 bor burchak to‘piga murojaat qilgan bo‘lsa, “Loko” 4 bor ushbu nuqtadan zarba berdi.

“Olimpik” jamoasi yangi mavsumda nisbatan qo‘polroq harakat qilyapti. Chunki olimpiyachilarimiz “Nasaf” va “Lokomotiv”ga qarshi o‘yinlarda qizil kartochka oldi. Bundan tashqari, “Olimpik” va “Loko” o‘yinida ham olimpiyachilarimiz bosh hakam tomonidan 3 bor sariq kartochkaga ham loyiq ko‘rildi. Shuningdek, ushbu o‘yinda “Lokomotiv” futbolchilari ham 4 bor sariq kartochka olishdi.

Ushbu bahsda “Olimpik” bir kishi kam bo‘lishiga qaramasdan 89 bor hujum uyushtirishga erishdi. Ushbu uyushtirilgan hujumlarning 64tasi xavfli tarzda tashkil qilindi. “Lokomotiv” esa ushbu bahsda 76 bor hujum uyushtirgan bo‘lib, shundan 59tasida xavflilik darajasi yuqori bo‘lgan.

E’tiborli jihati, Pro ligadan qaytgan “Lokomotiv” ushbu o‘yinda minimal hisobda (1:0) g‘alaba qozondi. Va ochkolarini 4taga yetkazib oldi.

Keyingi bahs Namanganda “Navbahor” va OKMK jamoalari o‘rtasida bo‘lib o‘tdi. Qiziqarli jihati ushbu o‘yinda ham durang natija qayd etildi. Biroq, ushbu o‘yin qolganlaridan farqli holatda 1:1 hisobida yakunlandi.

Kutilganidek, o‘yinda “Navbahor” nisbatan ustunlikka erishib, 56 foiz to‘pga egalik qilgan holda olmaliqliklar darvozasi tomon 11 bor zarba berdi. Lekin yo‘llangan zarbalarning 7tasi darvoza sohasi tomon aniq bordi.

OKMK ushbu o‘yinda namanganliklar darvozasi tomon 5 bor zarba berishga erishgan bo‘lsa, shundan ikkitasigina O‘tkir Yusupov darvozasi tomon aniq bordi xolos.

E’tiborli jihati, ushbu o‘yinda OKMK jamoasi posboni juda ham ajoyib tarzda harakat qildi va 6ta zarbani qaytarishga erishdi. O‘tkir Yusupov esa 1ta seyf qilishga erishdi.

Ushbu bahsda albatta jiddiy qarama-qarshiliklar kuzatilishi aniq edi. Shu sababli bosh hakam ikki jamoaning umumiy 7 nafar futbolchisiga sariq kartochka ko‘rsatishga majbur bo‘ldi. Shuningdek, ushbu bahsda jamoalar 9 bor burchak to‘piga ham murojaat qildi (“Navbahor” — 5, OKMK — 4).

O‘yinda “Navbahor” 86ta hujum uyushtirishga erishdi. Shundan 53tasidan xavflilik darajasi yuqori bo‘ldi. Olmaliqliklar esa 79ta hujum uyushtirdi. Uyushtirilgan hujumlarning 35tasi esa xavfli tarzda tashkil qilindi.

Gollarga boy bo‘lgan navbatdagi o‘yin Andijondagi “Bobur” arenada bo‘lib o‘tdi. Ushbu bahsda “Andijon” jamoasi “Bunyodkor”ni 5:1 hisobida taslim qildi.

O‘yinda “Andijon” 54 foiz to‘pga egalik qilgan holda “qaldirg‘ochlar darvozasi tomon 13 bor zarba berdi. Ushbu zarbalarning 7tasi esa aniq chiqdi. “Bunyodkor” esa andijonliklar darvozasi tomon 6 bor zarba bergan bo‘lsa, shundan to‘rttasigina aniq bordi xolos.

“Andijon” ushbu o‘yinda “Bunyodkor”ni o‘z jarima maydonchasi ichiga qamab qo‘ydi. Buni amalga oshirilgan burchak to‘plaridan ko‘rish mumkin. Andijonliklar o‘yin davomida umumiy 11 bor burchak to‘pini amalga oshirgan . “Qaldirg‘ochlar” esa bir bor ushbu nuqtadan to‘pni o‘yinga kiritishdi xolos.

Bahsda “Andijon” umumiy bor hujum uyushtirgan bo‘lsa, shundan 39tasi xavfli chiqdi. “Bunyodkor” esa 55 bor hujum uyushtirdi. Biroq, uyushtirilgan hujumlarning 28tasida xavflilik darajasi yuqori bo‘ldi.

Keyingi bahs Samarqandda “Dinamo” va “Nasaf” jamoalari o‘rtasida bo‘lib o‘tdi. Ushbu bahs ikki jamoa uchun ham og‘ir bo‘ldi. Biroq, yakunda farg‘onaliklar 1:2 hisobida g‘alaba qozondi.

O‘yinda “Dinamo” 55 foiz to‘pga egalik qilgan holda “Neftchi” darvozasi tomon 11 bor zarba berdi. Lekin yo‘llangan zarbalarning 4tasi darvoza tomon aniq bordi.

“Neftchi“ ushbu bahsda raqibi tomon 7 bor zarba bergan bo‘lsa, shundan ikkitasigina aniq bo‘ldi xolos. Lekin farg‘onaliklar aniq yo‘llangan zarbalarning bittasini golga aylantirishgan holda g‘alabani ilib ketdi.

Ushbu bahsda “Neftchi” posboni yaxshi harakat qildi. Chunki Quvvatov darvozasi tomon yo‘llangan zarbalarning to‘rtalasini ham qaytarishga erishdi.

Abramov jamoasi ushbu bahsda “Neftchi” darvozasi tomon 104 bor hujum uyushtirdi. Uyushtirilgan hujumlarning 74tasida xavflilik darajasi yuqori bo‘ldi. “Neftchi” esa o‘yin davomida 90ta hujum uyushtirdi. Shundan 69tasi samarqandliklar darvozasi yonida xavf tug‘dirdi xolos.

Ikkinchi turning oxirgi bahsi bugun “Qizilqum” va “Surxon” jamoalari o‘rtasida bo‘lib o‘tdi. Unda navoiyliklar 2:1 hisobida g‘alaba qozondi.

Ushbu o‘yinda “Surxon” jamoasi 59 foiz to‘pga egalik qilgan bo‘lishiga qaramasdan, “Qizilqum” surxondaryoliklar darvozasi tomon 9 bor zarba berishga erishdi. “Surxon” esa navoiyliklar darvozasiga 5 bor zarba berdi.

Lekin aniqlik borasida tenglik qayd etildi (3-3). “Qizilqum” darvozaboni 2ta seyfni amalga oshirgan bo‘lsa, “Surxon” posboni bir to‘pni qaytarishga erishdi.

O‘yinda “Qizilqum” 101ta hujum uyushtirdi. Uyushtirilgan hujumlarning 49tasi xavfli chiqdi. “Surxon” esa 111ta hujum uyushtirgan bo‘lsa, shundan 62tasida xavflilik darajasi yuqori bo‘ldi.

Ko‘rib turganingdek, ushbu turda nisbatan kamroq gol urildi. Shu sababli ko‘plab o‘yinlarda jamoalar ochko yo‘qotgan holda, durang natija qayd etishdi. Bundan foydalangan “Qizilqum” va “Neftchi” jamoalari g‘alaba qozonib, 6 ochko bilan peshqadamga aylanib olishdi.

Uchinchi tur juftliklari va o‘yin sanalari bilan bilan tanishing:

14 mart:

“Lokomotiv” — “Paxtakor"

15 mart:

“Neftchi” — “Metallurg”

“So‘g‘diyona” — “Olimpik"

16 mart:

“Surxon” — “Andijon”

“Nasaf” — “Qizilqum”

17 mart”:

OKMK — “Dinamo”

“Bunyodkor” — “Navbahor”