Kataloniyaning "Barselona" klubi "Manchester Yunayted" bilan muzokaraga kirishdi. Sport.es jurnalistlarining xabar berishicha, klublarning sport direktorlari o‘rtasida uchrashuv bo‘lib o‘tdi.
Manbaning ta’kidlashicha, "blaugrana" yozgi transferlarni rejalashtirishni allaqachon boshlashgan. "Barselona" avvalroq "qizil iblislar" hujumchisi, hozirda Ispaniyaning "Xetafe" klubida ijarada o‘ynayotgan Meyson Grinvudning ehtimoliy transferini muhokama qilgandi. Futbolchining mankunianliklar bilan shartnomasi 2025 yilning o‘rtalariga qadar tuzilgan.
Joriy mavsumda Meyson 26 ta o‘yinda qatnashib, 8 ta gol va 5 ta golli uzatmani amalga oshirdi.
