Каталониянинг "Барселона" клуби "Манчестер Юнайтед" билан музокарага киришди. Sport.es журналистларининг хабар беришича, клубларнинг спорт директорлари ўртасида учрашув бўлиб ўтди.
Манбанинг таъкидлашича, "блауграна" ёзги трансферларни режалаштиришни аллақачон бошлашган. "Барселона" аввалроқ "қизил иблислар" ҳужумчиси, ҳозирда Испаниянинг "Хетафе" клубида ижарада ўйнаётган Мэйсон Гринвуднинг эҳтимолий трансферини муҳокама қилганди. Футболчининг манкунианликлар билан шартномаси 2025 йилнинг ўрталарига қадар тузилган.
Жорий мавсумда Мэйсон 26 та ўйинда қатнашиб, 8 та гол ва 5 та голли узатмани амалга оширди.